Gati sa nuk e shita fenë për 20 pensë

Gati sa nuk e shita fenë për 20 pensë



Para disa viteve një imam i xhamisë u shpërngul në qytetin e Londrës në Britani. Ai gjithmonë e kishte zakon të udhëtonte me autobus prej shtëpisë së vet deri në qytet.



Disa javë pas shpërnguljes gjatë udhëtimit të tij, shpesh i binte të udhëtonte me të njejtin autobus dhe me të njejtin shofer.



Një ditë prej ditësh pagoi biletën e autobusit dhe u ul, kur pa se shoferi ia kishte kthyer 20 pensë ma tepër se sa duhet.



Mendoi imami në vetën e tij që t’ia kthejë këto para, sepse nuk është e drejta i tij. Pastaj një moment tjetër mendoi dhe tha: “Harroje këtë çështje! Kjo është një shumë e vogël dhe nuk i intereson askujt. Pastaj, firma e autobusit nuk humb asgjë nëse i mungon kjo shumë parash. Atëherë do t’i marr këto pare për vete dhe do t’i llogaris të blej një dhuratë për vete.”- dhe më pas heshti.



Autobusi u ndal në stacionin të cilin dëshiroi imami. Por, para se të dalë prej derës, u ndal një moment e zgjati dorën dheia ktheu shoferit paratë duke i thënë: “Urdhëro këto 20 pensë, m’i dhe tepër kur e pagova biletën. Ato janë të tuat.”



Shoferi e mori këtë shumë dhe filloi të qeshë duke thënë: “A nuk je imam i ri në këtë vend? Kam menduar disa herë që të vij në xhaminë tuaj dhe të bëj ibadet aty. Ta kam dhënë këtë tepricë me qëllim që të shoh se si do të jetë veprimi yt.



Kur imami doli prej autobusit ndeu një dobësim në këmbët e tij dhe gati sa nuk ra në tokë prej këtij qëndrimi. U mbështet në një shtyllë që kishte afër, i drejtoi sytë nga qielli duke qarë dhe duke thënë: “O Allahu im! Desh e shita fenë time për 20 pensë.”



Përkujtoni vllezër dhe motra, ndoshta ne nuk i shohim se sa ndikojnë sjelljet tona tek njerëzit. Nga njëherë nuk është vetëm Kurani të cilin e lexojnë njerëzit ose vetëm Islami të cilin e shikon jomuslimani. Për këtë duhet çdonjëri prej nesh të jetë shembull dhe model për të tjerët, duke qenë gjithmonë të sinqertë dhe besnik, sepse ne ndoshta nuk shohim se si njerëzit na përcjellin neve në sjlelljet tona dhe në bazë të saj gjykojnë për ne si musliman.